Flying Fun no Verán CampUSC
No día de onte o Verán CampUSC contou coa primeira das cinco visitas previstas das profesoras de Flying Fun, que ofreceron unha actividade íntegramente en inglés para os rapaces e rapazas do grupo B.
Nesta actividade os rapaces e rapazas fixeron actividades de presentación, traballaron as emocións, crearon unha pequena manualidade e ata aprenderon a facer o saúdo ao sol de ioga ao ritmo de diferentes cancións. Contaremos coa presenza desta escola sita na rúa Santa Marta nas restantes catro quendas, en cada ocasión cun grupo diferente.