Flying Fun no Verán CampUSC
Esta mañá o Verán CampUSC contou coa primeira das cinco visitas previstas das profesoras de Flying Fun, que ofreceron unha actividade íntegramente en inglés para os rapaces e rapazas do grupo C.
As participantes fixeron actividades de presentación, traballaron as emocións, executaron o saúdo ao sol e diferentes posturas de ioga a través de contos e cancións e remataron cunha pequena manualidade. Contaremos con máis visitas desta escola sita na rúa Santa Marta ao longo do mes de xullo para que todos os grupos as coñezan.